Mamma wil nou al `n hele rukkie lank vir jou begin skryf, maar die vrees pak my maar nog kort-kort beet – vrees wat gebore is uit seer herinneringe. Maar my liewe Pikkewyn, Mamma het net weer besef jy en jou pappa is sprekende voorbeelde van my nuwe lewe – `n nuwe lewe propvol liefde, vreugde en geluk.
Mamma gaan daarom van nou af, sonder vrees van terugkyk, elke liewe oomblik van jou geniet. Nie net van die dag af wanneer ek en Pappa saam in jou pragtige, pragtige ogies gaan kyk nie, maar reeds nou, met jou hier veilig binne my.
1 Kommentaar
Ek het toe so gedink... 
Jys veilig Pikkewyn en ek kan jou sê jyt n awesome Mamma. Jys net so bevoorreg om haar te hê as wat sy is om jou te hê… Jys waarlik n geskenk xx